The Prisoner of Chateau d'If

జైలులో కైదీని లోపల పెట్టే ముందు జైలు సూపరింటెండెంట్ కైదీకి కులం పేరు అడుగుతాడు. అతను "ఈ రోజుల్లో కులాలు లేవు" అనో, "నేను నాస్తికుణ్ణి కనుక నాకు కులం వర్తించదు" అనో చెపితే అతన్ని తింగరోడు అనుకుంటారు. పెళ్ళి సంబంధం కోసం వెళ్ళినప్పుడు "మీది ఏ కులం?" అని అడుగుతారు తప్ప "మీది ఏ సామాజిక వర్గం?" అని అడగరు. "మాది ఫలానా సామాజిక వర్గం" అని చెప్పుకున్నా విచిత్రంగా చూస్తారు. ప్రోపగాండా భాష మాట్లాడితే ఇలాగే నవ్వులపాలు అవుతాము. నేను జైలులో ఉన్నప్పుడు నేను ఉండిన సెల్‌లో ఒక కోమటోడు, ఒక బాపనోడు ఉండేవారు. ఆ సెల్‌లో ఎక్కువ మంది పేదవాళ్ళు. ఆ బాపనోడు ఆస్తి ఎక్కువ ఉన్నవాడే. అతను పాక్సో కేసులో జైలుకి వచ్చాడు. జైలులో డబ్బున్నవాళ్ళకి స్పెషల్ ట్రీట్మెంట్ ఉండదు కాబట్టి అతను పంచముల పక్కనే పడుకున్నాడు, వాళ్ళ పక్కనే కూర్చుని తిన్నాడు. జైలు నుంచి విడుదల అయిన తరువాత అతను తన కులంవాళ్ళ ఇంటిలోనే తింటాడు తప్ప పంచముల పక్కన కూర్చుని తినడు. ఇండియాలోని జైళ్ళలో దళితులు & ముస్లింల సంఖ్య ఎక్కువగా ఉంది. వీళ్ళు లాయర్ ఫీజ్ కట్టలేకపోవడం వల్ల వీళ్ళకి బెయిల్ రావడం లేదు. ఈ విషయం జై...

 దళితుల చైతన్యాన్ని ఓవర్ ఎస్టిమేట్ చేస్తే దళితవాదమే ఓడిపోతుంది. దళితులందరు నాస్తికులనో, హేతువాదులనో, బౌద్ధులనో అర్థం వచ్చేలా కొంత మంది దళితవాదులు, కొంత మంది హిందుత్వవాదులు ఫేస్‌బుక్‌లో పోస్టులు పెడుతున్నారు. దళితుల్లో కూడా రిజర్వేషన్ కోటాలో ప్రభుత్వ ఉద్యోగాలు చేసేవాళ్ళు హిందు ఆచారమైన కట్నం పాటిస్తున్నారు. రాయగడ జిల్లాలో వరకట్న నిషేధ చట్టం కేసులోని నిందుతుల్లో కొంత మంది దళితులు & ఆదివాసులు. ఇక్కడ ఆదివాసుల్లో వరకట్న ఆచారం లేదు. అయినా పట్టణ ప్రాంతాల్లో స్థిరపడిన ఆదివాసులు కట్నం తీసుకుంటున్నారు. మత గ్రంథాలు చదవని చదువురానివాళ్ళ కంటే అవి చదివిన చదువుకున్నవాళ్ళలో హిందుత్వ భావజాలం ఎక్కువ ఉంటుంది.

దళితులు అందరు నాస్తికులనో, హేతువాదులనో, బౌద్ధులనో నమ్మేవాళ్ళు ఉన్నారు. అలా నమ్మేవాళ్ళలో కొంత మంది నాస్తికులు, కొంత మంది మత విశ్వాసులు. హిందు మతం కుల వ్యవస్థని, లింగ వివక్షని సమర్థించడానికి పుట్టిందని కొంత మంది చదువుకున్నవాళ్ళకి కూడా తెలియదు. దీన్ని అడ్వాంటెజ్‌గా తీసుకునే కొంత మంది ఈ రోజుల్లో కుల వివక్ష, లింగ వివక్ష లేదని వాదిస్తారు. దళిత రిటైర్డ్ ఐ.పి.ఎస్. ఆఫీసర్ పంతులు సమేతంగా పూజలు చెయ్యడంపై కొంత మంది బహుజనవాదులు ఆశ్చర్యపోతున్నారు, కొంత మంది బహుజనవాద వ్యతిరేకులు వెక్కిరిస్తున్నారు. దళితులందరు నాస్తికులు కానప్పుడు ఇక్కడ ఆశ్చర్యపోవడానికో, వెక్కిరించడానికో ఏముంది? హిందు మతం కుల వ్యవస్థని సమర్థించడానికి పుట్టిందని తెలియక మా ఊరిలోనే ఆదివాసులు దసరా జాతర నిర్వహిస్తున్నారు. దీపావళి నాడు మా ఊరిలో పెద్ద సౌండ్‌తో పాటలు పెట్టేది దళితవీధి వాసులు. రావణుడు తమ తాత అని చెప్పి రావణ దహణాన్ని అడ్డుకుంటాం అనే బహుజనవాదులు దీని గురించి ఏమి చెపుతారు? మా ఊరిలో రెండు వీధులు ఉన్నాయి. ఒకటి ఆదివాసి వీధి, ఒకటి దళిత వీధి. దళితుల కంటే ఆదివాసులకి వ్యవసాయ భూమి ఎక్కువ. ఇక్కడ కొంత మంది ఆదివాసులు దళితుల ఇంటిలో భోజనం చెయ...

 కులం పోవాలంటే హిందు మతం పూర్తిగా పోవాలి. బాపనోళ్ళు రాసిన పురాణాల్లోని విలన్లని హీరోలుగా ఊహించుకోవడం వల్ల కులం పోదు. పురాణాలు అన్నీ కల్పితాలు. రాముడు పుట్టాడని బాపనోడు నిరూపించలేడు. రావణుడు పుట్టాడని దళితుడు నిరూపించలేడు. నిరూపించగలిగే దాన్ని ఎవరూ పురాణం అనరు. నిరూపణతో సంబంధం లేకుండా నమ్మే దాన్నే పురాణం అంటారు. దసరా నాడు రావణ దహనం చేసేవాళ్ళకి సైంటిఫిక్ టెంపర్ ఎంత తక్కువ ఉంటుందో, రావణ దహనాన్ని అడ్డుకుంటామనేవాళ్ళకి కూడా సైంటిఫిక్ టెంపర్ అంతే తక్కువ ఉంటుంది, రామ దహనం చేసేవాళ్ళ సైంటిఫిక్ టెంపర్ కూడా అంతే తక్కువ ఉంటుంది. ఎం.ఆర్.పి.ఎస్.వాళ్ళు రావణ దహనం మీద కోర్టులో కేస్ వేస్తామంటున్నారు. రాముడు, రావణుడు పుట్టారని ఎవరూ నిరూపించలేరు. నిరూపించలేని వాటి ఆధారంగా కోర్ట్ ఎలా తీర్పు చెపుతుంది? దళితులు రావణుడు, శంభూకుడు తమకి మూల పురుషులు అని చెప్పుకుంటున్నారు. సూర్యవంశ క్షత్రియులు సూర్యుడు తమకి మూల పురుషుడని చెప్పుకుంటారు, భరద్వాజ గోత్రస్థులు భరద్వాజ మహర్షి తమ మూల పురుషుడని చెప్పుకుంటారు. ఈ కథలన్నీ నమ్మశక్యమేనా అనే సందేహం కామన్ సెన్స్ ఉన్నవాళ్ళకి తప్పకుండా వస్తుంది.

 రమా సుందరి అనే రచయిత్రి ఉన్నారు. ఆవిడ నాస్తికురాలు కావడం వల్ల బొట్టు పెట్టుకోదు. గుంటూరులోని ఒక అపార్ట్‌మెంట్‌వాళ్ళు ఆవిడని ముస్లిం అనో, విధవ అనో అనుకుని ఇల్లు అద్దెకి ఇవ్వడం కుదరదు అనేసారు. ఈ రోజుల్లో కుల వివక్ష, లింగ వివక్ష లేదు అనే ప్రోపగాండాని కొంత మంది స్త్రీలు కూడా నమ్ముతున్నారు. అలా నమ్మే స్త్రీ పెళ్ళి కానిది అయితే తన భర్త చనిపోయాడని మేట్రిమోనియల్ వెబ్‌సైట్‌లో రాసి చూసుకోవచ్చు, పెళ్ళైనది అయితే బొట్టు తీసేసి అద్దె ఇంటి కోసం వెతకొచ్చు. ఆ రెండిటిలో ఏది చేసినా ఎంత మంది ఆమె మీద మొహం చాటేస్తారో తెలిసి వస్తుంది. విశాఖపట్నంలో ఒకడు తాను ఎన్.ఆర్.ఐ.నని చెప్పుకుని మేట్రిమోనియల్ వెబ్‌సైట్‌లో ప్రొఫైల్ పెట్టాడు. భర్త చనిపోయిన స్త్రీలు & విడాకులు తీసుకున్న స్త్రీల చేత తన బ్యాంక్ అకౌంట్‌లో పైసలు డిపాజిట్ చెయ్యించుకుని పారిపోయాడు. అతని మీద సైబర్ క్రైమ్ పోలీస్ స్టేషన్‌లో కేస్ రెజిస్టర్ అయ్యింది. భర్త చనిపోయిన స్త్రీ రెండవ పెళ్ళి చేసుకోవాలనుకుంటే తనకి తెలిసిన వ్యక్తినే కాంటాక్ట్ చెయ్యొచ్చు. బ్లాగులు & ఫేస్‌బుక్‌లో స్త్రీవాదం కబుర్లు చెప్పేవాడు కూడా భర్త చనిపోయిన స్త్రీని పెళ్ళి చేసుకోడ...

హిజ్రా వృత్తిని హిజ్రాలు వదులుకుంటే హిజ్రా అనే పదం వాడాల్సిన అవసరం ఎవరికీ ఉండదు. హిజ్రా అనే పదాన్ని నిషేధించడం వల్ల ఆ వృత్తి పోదు. ఈ నిజం రాసినందుకు ఫేస్‌బుక్ నేను షేర్ చేసిన లింకులని డిలీట్ చేసింది. ఉత్తర భారత దేశంలో వాల్మీకీ కులస్తులు పాకీ వృత్తి నుంచి బయటకి రావాలనుకుంటున్నారు. వాళ్ళు ఆ వృత్తిని వదిలేస్తే అగ్రకులాలవాళ్ళు తమ లెట్రిన్లు తామే కడుక్కోవాల్సి వస్తుందని వాళ్ళు ఆ వృత్తిని వదలకుండా అగ్రకులాలవాళ్ళు అడ్డు తగులుతున్నారు. మనవాళ్ళకి సమాజం మారడం ఇష్టం లేదు కానీ పదాలని నిషేధించడం మీద ఎక్కడా లేని ఆసక్తి ఉంది. కోర్టు పాకీ అనే పదాన్ని నిషేధిస్తుంది, సఫాయీ కర్మచారీ అనే పదాన్ని వాడాలంటుంది, కానీ పాకీ వృత్తి నుంచి బయటకి రావాలనుకునేవాళ్ళని మనవాళ్ళు బయటకి రానివ్వరు.

 కామన్ సివిల్ కోడ్ వస్తే హిందువుల్లో ఉన్న కుల వ్యవస్థని ముస్లింలకి & క్రైస్తవులకి వర్తింపచేస్తారా లేదా హిందువుల్లో కులాలు లేవు అని చెప్పి రిజర్వేషన్‌ని ఎత్తి వేస్తారా? https://kadhalu.wordpress.com/2016/10/05/%e0%b0%89%e0%b0%ae%e0%b1%8d%e0%b0%ae%e0%b0%a1%e0%b0%bf-%e0%b0%aa%e0%b1%8c%e0%b0%b0-%e0%b0%b8%e0%b1%8d%e0%b0%ae%e0%b1%83%e0%b0%a4%e0%b0%bf-%e0%b0%b8%e0%b0%82%e0%b0%a6%e0%b0%b0%e0%b1%8d%e0%b0%ad/  నేను ఈ మధ్యనే కాకినాడ జిల్లా పెదబ్రహ్మదేవం గ్రామంలో ఒక కులాంతర వివాహానికి సాక్షి సంతకం పెట్టడానికి వెళ్ళాను. అది అమ్మాయి తల్లితండ్రులకి ఇష్టం లేని పెళ్ళి. ఆ అమ్మాయి వీధిలో ఉన్నవాళ్ళు తమ కులం పేరు చెప్పలేదు కానీ మా కులం పేరు అడిగారు. "మీది ఏ కులానికి ఎక్కువ, ఏ కులానికి తక్కువ" అని కూడా అడిగారు. మాది సొంత వ్యవసాయ భూమి ఉన్న కులం అని చెప్పాను. ఆ అమ్మాయి తల్లితండ్రులు భూమి లేని కూలీలు కానీ మాది ఏ కులానికి ఎక్కువో, ఏ కులానికి తక్కువో అడిగారు. ఈ రోజుల్లో కులాలు లేవు అనే ప్రోపగాండాని చిన్నప్పటి నుంచి వింటున్నాను. పల్లెటూర్లలో కులం పేరు బహిరంగంగా అడిగేవాళ్ళని ఇప్పుడు కూడా చూస్తున్నాను...

      పెన్మెత్స సుబ్బరాజు గారి ఈ పోస్ట్ చదివిన తెలంగాణ జనం ఆంధ్ర హేతువాదులు తెలంగాణ సినిమాపై విషం కక్కుతున్నారని ఏడుస్తున్నారు. ఆత్మలు కాకుల్లో దూరి పిండాలు తింటాయని నమ్మేవాళ్ళు ఆంధ్రలో కూడా ఉన్నారు. కేవలం ఒక తెలంగాణ సినిమాపై విషం కక్కాల్సిన అవసరం సుబ్బరాజు గారికి లేదు. మా ఒడిశాలో తాగుబోతు చస్తే అతని సమాధిలో సారా పేకెట్లు పాతుతారు. ఆత్మ పిండాల్ని తింటుందని ఆంధ్ర & తెలంగాణల్లో ఎలా నమ్ముతారో, ఆత్మ సారా తాగుతుందని ఒడిశా జనం అలాగే నమ్ముతారు. నేను మా ఒడిశా సంస్కృతి పేరుతో ఇక్కడి నమ్మకాలకి వ్యతిరేకంగా మాట్లాడకుండా నోరు మూసుకోలేదే.